. : Navigation : .
Kucura Portal

Contact Us
Disclamer
Knjiga poruka Gästebuch

. : WEBMASTER : .
Tutorials
Naše pesme
Software
Naše pesme?
Naše pesme?!!

. : Naš grad D : .
Kaarst
Neuss
Disseldorf

. :Unsere Stadt Yu : .

Vojvodina informacije
Novi Sad
Kucura

. : Rusnaci- Ruthenen : .
Zastava

Naseljavanje
Rusnaci na Internetu

Тебе и твойо, мили ми, родни поля,
зоз твоїм знойом вично орошовани
и зоз вельким твоїм трудом обрабяни,
а и шицко твойо красне польске квеце-
я найбаржей любим на тим ширим швеце.
Тебе я вше любел, у тей биди моєй,
в радосци  и жалю, од младосци своєй,
бо вше, кед сом жадал, ти ми руку давал;
високо ме дзвигал, горе кед сом ставал.
Прето, кед я навше заврем очи свойо,
мой гроб най ми квеци польске квеце твойо,
зос тих родних польох валала мойого,
дзе сом ше народзел, Коцура милого.

У нїм  ме и поховай, роду мой мили,
ту дзе квитню квиточки велї красни били.
Ту, най ми гроб цепли зарї слунка грею,
ту, дзе ми  "Лїсточка" мойо желєнєю;
дзе ми "Пупче" квитнє на "Ружи" пахняце.
Ту, дзе ми вше сущи и "Клаше сущаце".
Ту, дзе сом шал дробни ми " Заренка ",
крегкого мойого щирого серденька.
Дзе " Одгуки шерца " мойо одгукую;
дзе нам нашо дзеци щесце рода кую.
Роду мой мили, памнятку на мнє чувай
и на мили ми писньочки нє забувай!

Copyright 1999-2009 and Design by Šarik Nikola All Rights Reserved.

zurück-nazad